• 09 Dec 2022
  • 08: 32 PM
Latest News arrow

'ചന്ദ്രയാൻ-2'ൻറെ മൂന്നാം ചാന്ദ്രഭ്രമണപഥമാറ്റം വിജയകരം

ബംഗലൂരു: ഇന്ത്യയുടെ 'ചന്ദ്രയാൻ-2' പേടകത്തിന്റെ മൂന്നാംഘട്ട ചാന്ദ്രഭ്രമണപഥ മാറ്റം വിജയകരമായി പൂർത്തിയായാതായി ഐ.എസ്.ആർ.ഒ അറിയിച്ചു.  ഇന്ന് രാവിലെ 9:04 ന് ആരംഭിച്ച പ്രകിയ 1,190 സെക്കന്റുകൾ കൊണ്ട് പൂർത്തിയായി. ചന്ദ്രനിൽ നിന്ന് 179 കിലോമീറ്റര്‍ അടുത്ത ദൂരവും 1,412 കിലോമീറ്റര്‍ കൂടിയ ദൂരവും ഉള്ള ഭ്രമണപഥത്തിലാണ് 'ചന്ദ്രയാൻ-2' ഇപ്പോൾ ഉള്ളത്.

ഓഗസ്റ്റ് 30-ന് വൈകീട്ട് 6 മണിക്കും 7 മണിക്കും ഇടയിലാണ് അടുത്തതും ഒടുവിലത്തേതുമായ ചാന്ദ്രഭ്രമണപഥമാറ്റം. സെപ്റ്റംബർ രണ്ടിനായിരിക്കും വിക്രം ലാൻഡറും 'ചന്ദ്രയാൻ-2' ഓ‌ർബിറ്ററും വേർപെടുക. സെപ്റ്റംബർ ഏഴിനായിരിക്കും ചരിത്രം കുറിക്കുന്ന ലൂണാർ സോഫ്റ്റ് ലാൻഡിംഗ്.