Twitter 
മെസി... റൊണാള്‍ഡോ... വാന്‍ ഡികോ... ആരാവും ഫിഫയുടെ ലോക ഫുട്‌ബോളർ?
റോം: ഫിഫയുടെ മികച്ച ഫുട്ബോള് താരത്തെ ഇന്ന് (തിങ്കളാഴ്ച) രാത്രി പ്രഖ്യാപിക്കും. ലയണൽ മെസി, ക്രിസ്റ്റിയാനോ റൊണാള്‍ഡോ, വിര്‍ജില്‍ വാന്‍ ഡിക് എന്നിവരാണ് പുരസ്‌ക്കാരത്തിനുള്ള 'ഫിഫ ദി ബെസ്റ്റ്' പട്ടികയിലുള്ളത്.
മികച്ച വനിതാ താരം, മികച്ച പുരുഷ-വനിത പരിശീലകര്‍, മികച്ച പുരുഷ- വനിത ഗോള്‍കീപ്പര്‍, മികച്ച ഗോളിനുള്ള പുസ്‌കാസ് പുരസ്‌കാരം, ഫാന്‍ പുരസ്‌കാരം എന്നിവയും ഇന്നു തന്നെ പ്രഖ്യാപിക്കും.
മികച്ച പുരുഷ പരിശീലക പുരസ്‌കാരത്തിനായി മാഞ്ചസ്റ്റര്‍ സിറ്റിയുടെ പെപ് ഗാര്‍ഡിയോള, ലിവര്‍പൂളിന്റെ യൂര്‍ഗന്‍ ക്ലോപ്പ്, ടോട്ടനത്തിന്റെ മൗറിഷ്യോ പോച്ചറ്റിനൊ എന്നിവരാണ് പരിഗണനയിലുള്ളത്.
കഴിഞ്ഞ വർഷത്തെ പുരസ്‌കാരം ലഭിച്ചത് റയല്‍ മാഡ്രിഡിന്റെ ക്രൊയേഷ്യന്‍ താരം ലൂക്ക മോഡ്രിച്ചിനായിരുന്നു.
കഴിഞ്ഞമാസം യുറോപ്യന്‍ ഫുട്ബോള് ഭരണസമിതിയുടെ പുരസ്‌കാരം വിര്‍ജില്‍ വാന്‍ ഡിക് നേടിയിരുന്നു.
ഇന്ത്യന്‍ സമയം രാത്രി 11.30-നാണ് പുരസ്‌കാരപ്രഖ്യാപന ചടങ്ങുകൾ ആരംഭിക്കുക.
