• 09 Dec 2019
  • 02: 35 PM
Latest News arrow

അലനും താഹയ്ക്കുമെതിരെ യുഎപിഎയ്ക്ക് അനുമതി നല്‍കേണ്ടെന്ന് സിപിഎം; യുവാക്കള്‍ ഭീകരപ്രവര്‍ത്തനങ്ങളില്‍ ഏര്‍പ്പെട്ടിട്ടില്ല

ന്യൂഡല്‍ഹി: അലന്റെയും താഹയുടെയും ജാമ്യാപേക്ഷ ഇന്ന് പരിഗണിക്കാനിരിക്കെ യുഎപിഎ പ്രകാരം പ്രോസിക്യൂഷന് അനുമതി നല്‍കേണ്ടതില്ലെന്ന് സിപിഎം പോളിറ്റ് ബ്യൂറോ തീരുമാനം. സംസ്ഥാന സര്‍ക്കാരിന്റെ നിലപാട് മുഖ്യമന്ത്രി പിണറായി വിജയന്‍ പിബിയെ അറിയിച്ചു. യുവാക്കള്‍ ഭീകരപ്രവര്‍ത്തനങ്ങളില്‍ ഏര്‍പ്പെട്ടിട്ടില്ലെന്നും തെറ്റുതിരുത്താന്‍ അവസരം നല്‍കണമെന്നും പിബിയില്‍ അഭിപ്രായമുയര്‍ന്നു. 

അതേസമയം അലനും താഹയ്ക്കും ജാമ്യം ലഭിക്കാതിരിക്കാനുള്ള ശ്രമം പ്രോസിക്യൂഷനും നടത്തിയിട്ടുണ്ട്. മാവോയിസ്റ്റ് സംഘടനയുമായുളള ബന്ധം തെളിയിക്കുന്ന ശക്തമായ തെളിവുകള്‍ ലഭിച്ചിട്ടുണ്ടെന്നാണ് പ്രോസിക്യൂഷന്റെ വാദം. എന്നാല്‍ യുഎപിഎ ചുമത്താനുള്ള യാതൊന്നും പിടിച്ചെടുത്തിട്ടില്ലെന്ന് പ്രതിഭാഗവും വാദിയ്ക്കുന്നു.