• 19 Aug 2022
  • 05: 25 AM
Latest News arrow

യോ​ഗ രാജ്യത്തിനും ലോകത്തിനും സമാധാനം പകരുന്നു; പ്രധാനമന്ത്രി

മൈസൂർ: യോ​ഗ ലോകത്തിന് സമാധാനം പകരുന്നെന്ന് പ്രധാനമന്ത്രി നരേന്ദ്ര മോദി. അന്താരാഷ്‌ട്ര യോ​ഗ ദിനത്തിന്റെ പശ്‌ചാത്തലത്തിലാണ് പരാമർശം. ഇന്ന് ലോകത്തിന്റെ എല്ലാ ഭാ​ഗത്തും യോ​ഗ പരിശീലിക്കുന്നു. യോ​ഗ നമുക്ക് സമാധാനം പ്രദാനം ചെയ്യുന്നു. യോ​ഗയിൽ നിന്നുള്ള സമാധാനം വ്യക്‌തികൾക്ക് മാത്രമല്ല. അത് രാജ്യത്തിനും ലോകത്തിനും സമാധാനം പ്രദാനം ചെയ്യുന്നു; മോദി പറഞ്ഞു.
 

എട്ടാമത് അന്താരാഷ്‌ട്ര യോ​ഗ ദിനമായ ഇന്ന് വിപുലമായ പരിപാടികളാണ് രാജ്യത്ത് നടക്കുന്നത്. കർണാടകയിലെ മൈസൂർ പാലസ് ​ഗ്രൗണ്ടിൽ വിപുലമായ യോ​ഗ പരിപാടി നടന്നു. പ്രധാനമന്ത്രിയാണ് ഇതിന് നേതൃത്വം വഹിച്ചത്. യോ​ഗ ലോകത്തിന്റെ ഉൽസവമാണെന്ന് പരിപാടിയിൽ പ്രധാനമന്ത്രി പറഞ്ഞു. ലോകമെമ്പാടും 25 കോടി പേര്‍ യോഗാ ദിന പരിപാടികളില്‍ പങ്കെടുക്കുമെന്ന് കേന്ദ്ര ആയുഷ് മന്ത്രാലയം അറിയിച്ചു.