തിരുവനന്തപുരം: സംസ്ഥാനത്തിന്‍റെ റോഡുകളിൽ എ.ഐ ക്യാമറകൾ ഔദ്യോഗികമായി പ്രവർത്തനം തുടങ്ങിയതോടെ ആദ്യദിവസമായ തിങ്കളാഴ്ച ഗതാഗതനിയമലംഘനം നടത്തിയത്​ 28,891 വാഹനങ്ങൾ. രാവിലെ എട്ടു​ മണിമുതൽ വൈകുന്നേരം അഞ്ച്​ മണിവരെയുള്ള കണക്കാണിത്​. അഞ്ച്​ മണിക്ക്​ ശേഷവും കാമറകൾ പ്രവർത്തിക്കുന്നതിനാൽ എണ്ണം ഇനിയും ഉയരും.
കൊല്ലം ജില്ലയിലാണ്​ ഏറ്റവും കൂടുതൽ നിയമലംഘനങ്ങൾ കാമറക്കണ്ണിൽ പെട്ടത്​. 4778 വാഹനങ്ങളാണ്​ കൊല്ലത്തെ റോഡുകളിലൂടെ നിയമം ലംഘിച്ച്​ സഞ്ചരിച്ചത്​. 
അതേസമയം നിയമലംഘനം ഏറ്റവും കുറവ്​ മലപ്പുറം ജില്ലയിലാണ്​. തിങ്കളാഴ്ച വൈകുന്നേരം അഞ്ചുമണിവരെ ജില്ലയിൽ 545 നിയമലംഘനങ്ങൾ മാത്രമാണ്​ കാമറകളുടെ ശ്രദ്ധയിൽപ്പെട്ടത്​. 
ഇന്ന്  നിയമം ലംഘിച്ച വാഹനങ്ങളുടെ ആർ.സി ഉടമകൾക്ക്​  നാളെ മുതൽ നോട്ടീസ് അയച്ചുതുടങ്ങുമെന്ന്​ മോട്ടോർ വാഹന വകുപ്പ്​ അറിയിച്ചു.