• 21 Oct 2018
  • 07: 04 AM
Latest News arrow

ഉടമകള്‍ കൈപ്പറ്റാത്ത 10000 റേഷന്‍കാര്‍ഡുകള്‍ റദ്ദാക്കാനൊരുങ്ങി ഭക്ഷ്യവകുപ്പ്‌

ഉടമകള്‍കൈപ്പറ്റാത്ത പതിനായിരം റേഷന്‍കാര്‍ഡുകള്‍ സിവില്‍ സപ്ലൈസ് ഓഫീസില്‍ തിരിച്ചെത്തി. ഈ കാര്‍ഡുകള്‍ റദ്ദാക്കാനാണു ഭക്ഷ്യവകുപ്പിന്റെ തീരുമാനം. ഇതിന് മുന്‍പായി കാര്‍ഡുടമകളുടെ പേരുവിവരങ്ങള്‍ വെബ്‌സൈറ്റില്‍ പ്രസിദ്ധപ്പെടുത്തി ഒരു മാസം സമയം നല്‍കും.

2012ല്‍ പുതുക്കേണ്ടിയിരുന്ന റേഷന്‍ കാര്‍ഡിന്റെ വിതരണമാണ് ഇപ്പോഴും അവസാനിക്കാത്തത്. ആകെ 80.85 ലക്ഷം കാര്‍ഡുകളാണു സംസ്ഥാനത്തു വിതരണം ചെയ്തിരുന്നത്. സൗജന്യനിരക്കില്‍ റേഷന്‍ ലഭിക്കുന്ന അന്ത്യോദയ അന്ന യോജന (എഎവൈ) വിഭാഗത്തിലെ 800 കാര്‍ഡുകളും മുന്‍ഗണനാപ്പട്ടികയിലെ 3500 കാര്‍ഡുകളും ഇതിലുള്‍പ്പെടുന്നു.

രണ്ടു മാസം മുന്‍പ് കണക്കെടുത്തപ്പോള്‍ 30,000 കാര്‍ഡുകള്‍ ഉടമകള്‍ കൈപ്പറ്റിയിരുന്നില്ല. അവ താലൂക്ക് ഓഫീസില്‍നിന്നു സ്വീകരിക്കാന്‍ അവസരം നല്‍കിയതിനെത്തുടര്‍ന്ന് 20,000 ഉടമകളെത്തി. ഉടമ സ്ഥലത്തില്ലാത്തതോ, താമസസ്ഥലം മാറിയതോ ആകാം 10000 കാര്‍ഡ് ബാക്കി വരാന്‍ കാരണമെന്നാണു കണക്കുകൂട്ടല്‍.